Presentación do club de lectura "Libros ao Cabo" para o curso 2022-2023

O pasado martes, 27 de setembro, celebrouse na Biblioteca do CPI Cabo da Area a xuntanza inicial do club de lectura “Libros ao cabo”. Nesta reunión, realizouse a presentación oficial dos novos membros do noso club de lectura, integrado por trece alumnos e alumnas de 1º ESO (Marta Collazo, Ainara Cundíns, Sara Devesa, Enrique González, Roberto Márquez, Laura Ordóñez, Triana Salvador, Lucía Souto, Mateo Toja, Naiara Toja, Alejandro Vázquez, Yanira Vázquez e Celia Vidal), dúas estudantes de 2º ESO (Aitana Suárez e Xiana Sueiro), cinco de 3º ESO (Sara Bello, Iria Costa, Enma Lobelos, Ainara Rodríguez e Cristina Santos) e tres de 4º ESO (Aroa Allo, Blanca Charlín e Saskia Rodríguez).

Perfiláronse, ademais, as primeiras liñas de actuación do club de lectura para o primeiro trimestre do curso, así como o horario e calendario das xuntanzas e as iniciativas que o alumnado participante desexou propoñer para fomentar a lectura entre o resto da comunidade escolar do centro e para trazar proxectos comúns entre as tres etapas educativas que vertebran o noso CPI (Infantil, Primaria e Secundaria). En breve, coñeceredes os proxectos máis innovadores e creativos do club de lectura “Libros ao Cabo”. Non volo perdades!