Maratón de lecturas e ilustracións no Día de Neira Vilas

O alumnado de Educación Infantil e Primaria do CPI Cabo da Area dedicou a súa hora de ler do xoves á interpretación e ilustración dalgúns textos da produción infantil de Xosé Neira Vilas, pois o 3 de novembro conmemórase o Día do Lector en Galicia e o Día de Neira Vilas. Non deixedes de apreciar as orixinais creacións artísticas dos nosos estudantes máis cativos.

Pola súa parte, o alumnado de Secundaria celebrou un maratón de lecturas no recreo arredor das pasaxes máis significativas da obra Memorias dun neno labrego.

Moitas grazas ao alumnado participante na actividade e parabéns polo magnífico resultado final!