Gamificación a prol da igualdade no club de lectura de secundaria

O club de lectura de secundaria “Libros ao cabo”, en colaboración co Plan Proxecta “Por 365 días de respecto e igualdade”, preparou un xogo de mesa de creación orixinal para conmemorar o Día Internacional contra a Violencia de Xénero (25 de novembro) que podedes visualizar e descargar a continuación. Basta complementalo cun dado para comezar a poñelo en práctica. A medida en que os usuarios do mesmo avancen polas distintas xanelas, haberán de responder a determinadas cuestións relacionadas coa igualdade, a coeducación e a violencia de xénero. O obxectivo da actividade é a reflexión do alumnado arredor desta problemática, da identificación de actitudes violentas e da erradicación das mesmas.