Feminismo e igualdade no club de lectura de secundaria

Os integrantes do club de lectura “Libros ao Cabo”, en colaboración co Plan Proxecta “Por 365 días de respecto e igualdade” do CPI Plurilingüe Cabo da Area, elaboraron unha guía con recomendacións lectoras sobre feminismo e igualdade para celebrar o Día da Muller (8 de marzo). Trátase dunha colección cada vez máis ampla e diversa na que se inclúen desde manuais clásicos sobre o movemento feminista, guías orientativas e pedagóxicas, ata lecturas máis recreativas que, por medio do humor e a ironía, ofrecen unha visión da realidade diferente, fresca, actual, na que os nosos alumnos e alumnas poden verse reflictidos de forma máis directa e amena. Podedes acceder ao padlet que reúne esta colección na seguinte ligazón: https://padlet.com/porteiro_ana/feminismo-e-igualdade-b26ygzk3dp154e3