Durante a semana do 13 ao 17 de febreiro, a Biblioteca do CPI Cabo da Area, en colaboración co equipo de Dinamización da Lingua Galega, elaborou os mandados do Meco, co fin de que o alumnado de Secundaria do centro seguise as súas indicacións para caracterizarse cada día cun obxecto distinto e celebrar deste xeito o Entroido. Finalmente, o venres 17, os estudantes de cada curso distribuíronse por grupos para presentarse ao certame de disfraces que organizou o equipo de Extraescolares no pavillón do CPI.
Ademais, o equipo de Dinamización da Lingua Galega, xunto coa Biblioteca do centro, convocou o Concurso de coplas satíricas, no que participou o alumnado da ESO, resultando gañadora na categoría de 1º e 2º Nazaret Álvarez e, na de 3º e 4º , Cristina Santos.
Parabéns ás dúas!
