O pasado 9 de abril, o novelista Pepe Carballude participou nun encontro literario co alumnado do club de lectura de 1º ESO do CPI Plurilingüe Cabo da Area. A biblioteca de secundaria acolleu o coloquio, que comezou ás 11.35h e se prolongou ata pasadas as 12.45h. O acto estivo presentado por Nuno e Breogán Tirado, Paula Lema e Borja Pereiro, que deron a benvida ao autor e realizaron unha extenso percorrido pola súa traxectoria literaria, mencionando as obras publicadas por Pepe Carballude, asà como os múltiples galardóns obtidos en distintos certames de gran prestixio a nivel autonómico e nacional.
A continuación, os presentadores deron paso á lectura dunha pasaxe da novela De como o Santo dos Croques se fai peregrino, entoada por Óscar Toja. Logo, Nuno, Breogán, Paula e Borja moderaron a entrevista que os seus compañeiros e compañeiras lle formularon a Pepe Carballude. AsÃ, Lara, Naia, Carla Ordóñez, Carla Castro, Claudia, Nerea, Óscar, Érik, Fatou e Pablo foron os encargados de formular as preguntas ao autor arredor da súa traxectoria literaria, o seu proceso de escritura e a construción dos personaxes e as tramas de De como o Santo dos Croques se fai peregrino.
Finalmente, os presentadores do acto amosaron ao escritor os materiais creados especialmente para o encontro: retratos sobre a súa figura, marcapáxinas, chapas coas portadas do texto lido polo alumnado do club de lectura de 1º ESO, para rematar o evento coa sinatura de exemplares e un pÃcnic literario que incluÃa algunhas das afirmacións máis destacadas do autor sobre a súa obra, extraÃdas das entrevistas que lle foron realizadas na prensa autonómica e nacional.
O club de lectura de 1º ESO do CPI Plurilingüe Cabo da Area desexa agradecer expresamente a presenza de Pepe Carballude no noso centro. A súa amabilidade, capacidade de comunicación e xenerosidade á hora de permitir a gravación do acto para a radio escolar converteu o encontro con el nun dÃa inesquecible para a nosa comunidade educativa.
