Día Mundial do Medio Ambiente

O luns, 5 de xuño, a biblioteca do CPI Cabo da Area, en colaboración co Proxecta “Paisaxe e sustentabilidade”, coordinado pola profesora Ana Miranda, celebrou o Día Mundial do Medio Ambiente 2023 coa confección de marcapáxinas en cartolina que recrearon os lugares máis emblemáticos de Laxe e a súa contorna.

Así, o alumnado de educación infantil encargouse de debuxar o faro da vila; 1º EP ocupouse da praia de Soesto; 2º EP fixo o propio co areal dos Cristais; 3º EP deseñou o barco que dá a benvida ao pobo; 4º EP recreou a casa do arco; 5º EP, a capela de Santa Rosa; 6º EP, o dolme da Fornela e os penedos de Traba; 1º ESO, as torres de kaolín; 2º ESO, o muíño de vento; 3º ESO, a lagoa de Traba e 4º ESO, a festividade do naufraxio. Velaquí tedes os resultados finais.

Nos derradeiros días de curso, cada alumno intercambiará os seus marcapáxinas con outro compañeiro ou compañeira, en forma de agasallo final, que acompañará ás recomendacións lectoras para o verán, distribuídas por franxas de idade.