Día Mundial da Infancia na Biblioteca de Infantil e Primaria

Para conmemorar o Día Mundial da Infancia, que se celebrará o 20 de novembro, a Biblioteca de Educación Infantil e Primaria do CPI Cabo da Area organizou unha exposición bibliográfica cunha interesante escolma de textos vencellados aos dereitos dos nenos e nenas, á súa necesaria presenza na literatura contemporánea e ao tratamento da diversidade no cine, a través de referencias de indiscutible calidade e valor didáctico, como a curtametraxe Cuerdas. Non deixedes pasar a oportunidade de achegarvos e revisar de primeira man as obras que integran a montaxe, ademais de coñecer outros títulos vinculados ao fomento da fraternidade entre os nenos e nenas do mundo e á promoción do seu benestar grazas a actividades socioculturais coma esta.